ŞAHMATÇILARIMIZ BU ÇƏTİN İMTAHANIN ÖHDƏSİNDƏN LAYİQİNCƏ GƏLƏCƏKLƏR
Bu sözləri Azərbaycanın qadınlardan ibarət yığma komandasının baş məşqçisi Anar Allahverdiyev AZƏRTAC-ın müxbirinə müsahibəsində demişdir. Hazırda Drezdendə dünya şahmat olimpiadasında çıxış edən qadınlardan ibarət komandanın qazandığı uğurlardan söz aşan baş məşqçi şahmatçılarımızın oyunlarını yüksək qiymətləndirmişdir.
O bildirmişdir ki, komandamız dörd oyundan üçündə qalib gələrək, hazırda 6 xalla birinci onluqda qərarlaşmışdır. Komanda noyabrın 17-də reytinqə görə onuncu yerdə olan Serbiya komandası ilə görüşəcəkdir. Bu qarşılaşmada komandanı olduqca çətin bir oyun gözləyir. Amma şahmatçılarımız bu çətin imtahanın öhdəsindən layiqincə gələcəklər.
Bölmənin digər xəbərləri
