Şamaxı Astrofizika Rəsədxanasında növbəti astroseminar
Bakı, 21 iyun, AZƏRTAC
İyunun 21-də N.Tusi adına Şamaxı Astrofizika Rəsədxanasında növbəti astroseminar keçirilib.
Rəsədxanadan AZƏRTAC-a bildirilib ki, seminarda Qalaktikalar və ulduzəmələgəlmə prosesləri şöbəsinin müdiri Nazim Hüseynov “Seyfert qalaktikası NGC 2617-nin spektral və fotometrik dəyişkənliyinin xüsusiyyətləri” mövzusunda məruzə ilə çıxış edib.
Bildirilib ki, NGC 2617 Seyfert qalaktikasında spektral tipin dəyişməsi 2013-cü ildə müşahidə olunan parlaqlığın artması ilə bağlı deyil. Tədqiqat işində NGC 2617 Seyfert qalaktikasında Hβ xəttinin profilində dəyişən şüalanma komponentinin olduğu və oxşar xüsusiyyətlərin spektral tipini (СL AGN) dəyişmiş digər qalaktikalar üçün də xarakterik olduğu qeyd edilib. Parlaqlığın dəyişməsi 0.1 - 0.3 ulduz ölçüsü tərtibində olub; spektral tipin dəyişməsini izah etmək üçün yeni nəzəri model irəli sürülüb.
Sonda mövzu ilə bağlı müzakirələr aparılıb, suallar cavablandırılıb.
Bölmənin digər xəbərləri
