Şamaxı zəlzələsinin 120 illiyinə həsr olunan beynəlxalq konfrans keçiriləcək
Bakı, 9 fevral, AZƏRTAC
Mayın 17-dən 19-dək Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin təşkilatçılığı ilə Bakıda 1902-ci il Şamaxı zəlzələsinin 120 illiyinə həsr olunan “Seysmologiya və zəlzələ mühəndisliyi üzrə” VII Beynəlxalq konfrans keçiriləcək.
Mərkəzin İnformasiya şöbəsindən AZƏRTAC-a bildiriblər ki, konfransda xarici ölkələrin seysmoloji mərkəzlərinin və beynəlxalq seysmoloji təşkilatların nümayəndələri, yerli və xarici alimlərin iştirakı nəzərdə tutulur.
Konfransda iştirak etmək üçün qeydiyyat ödənişsizdir. Qeydiyyat və materialların təqdim edilməsi (tezislər, məqalələr, məruzələr) martın 25-nə qədər aparılacaq. Təqdim edilmiş materialların konfrans materialı kimi dərc olunması nəzərdə tutulub.
Konfransda iştirak etmək istəyən alim və mütəxəssislər on beş gün müddətində Respublika Seysmoloji Xidmət Mərkəzinin rəsmi elektron ünvanına [email protected] müraciət edə bilərlər.
Bölmənin digər xəbərləri
