Azərbaycan Dövlət İnformasiya Agentliyi

İDMAN

SAMBOÇULARIMIZ DÜNYA ÇEMPİONATINDA BİR BÜRÜNC MEDAL QAZANMIŞLAR

14.11.2005 [21:46]
Çap et
A⁺ A^-

Qazaxıstanın paytaxtı Astana şəhərində 40-dan çox ölkədən 350-dək idmançının qatıldığı sambo üzrə dünya çempionatına yekun vurulmuşdur.

Yığma komandamızın baş məşqçisi Mübariz İbrahimov AZƏRTAC-a bildirmişdir ki, 5 idmançı ilə təmsil olunduğumuz çempionatda Elçin Mayılov 57 kiloqram çəki dərəcəsində bürünc medala layiq görülmüşdür.

Yarışlarla eyni vaxtda keçirilən Beynəlxalq Həvəskar Sambo Federasiyasının konqresində Rusiyanın dövlət başçısı Vladimir Putin qurumun fəxri prezidenti, habelə konqresdə iştirak edən Azərbaycan Sambo Federasiyasının prezidenti, yeddiqat dünya, altıqat Avropa çempionu Ceyhun Məmmədov federasiyanın İcraiyyə Komitəsinin üzvü seçilmişdir. Qurumun Hakimlər Komitəsinin qərarı ilə Cabir İsmayılova beynəlxalq dərəcəli hakim statusu verilmişdir.