SAMUX RAYONUNUN KƏNDLƏRİNDƏ SUTƏMİZLƏYİCİ QURĞULAR QURAŞDIRILIR
Samux, 3 iyul (AZƏRTAC). Samux rayonunun kəndlərində əhalinin içməli suya olan tələbatının ödənilməsi üçün yeni təmizləyici qurğuların quraşdırılmasına başlanılmışdır. Artıq rayonun Qırmızı Samux və Lüksemburq kəndlərinin içməli su ilə təminatı üçün yeni sutəmizləyici qurğuda son tamamlama işləri görülür.
Qırmızı Samux kənd bələdiyyəsinin sədri Sərxan Kazımov AZƏRTAC-a bildirmişdir ki, sutəmizləyici qurğu istifadəyə verildikdən sonra əhali kəndin 7 yerinə çəkilmiş bulaqlardan ekoloji cəhətdən təmiz və saf sudan istifadə imkanı əldə edəcəkdir.
Ekologiya və Təbii Sərvətlər Nazirliyi tərəfindən həyata keçirilən bu tədbir kənd sakinləri tərəfindən razılıqla qarşılanmışdır.
Bölmənin digər xəbərləri
