Samuxda 31 Mart - Azərbaycanlıların Soyqırımı Günü ilə bağlı anım mərasimi keçirilmişdir
Samux, 31 mart (AZƏRTAC). Samuxda 31 Mart - Azərbaycanlıların Soyqırımı Günü ilə bağlı anım mərasimi keçirilmişdir.
Mərasimdə rayon icra hakimiyyətinin başçısı Vilyam Hacıyev bildirmişdir ki, 1905-ci ildən başlayaraq müxtəlif vaxtlarda xalqımıza qarşı soyqırımı törətmiş ermənilər bu məkrli niyyətlərini 1918-ci ildə Bakıda və şəhərətrafı kəndlərdə, eləcə də bir neçə rayonda daha dəhşətli dərəcədə davam etdirmişlər. Nəticədə 12 mindən artıq azərbaycanlı qətlə yetirilmiş, on minlərlə insan itkin düşmüşdür. Ermənilər bu gün də məkrli niyyətlərindən əl çəkməmişlər. Diqqətə çatdırılmışdır ki, ancaq ümummilli liderimiz Heydər Əliyevin məlum fərmanı ilə bu qanlı cinayətlərə hüquqi-siyasi qiymət verilmişdir.
Çıxışlardan sonra mövzu ilə bağlı videoçarx nümayiş etdirilmişdir.
Bölmənin digər xəbərləri
