Sarayevoda “Europol”un birgə kommunikasiya mərkəzi açılıb
Sarayevo, 23 iyun, AZƏRTAC
Bosniya və Herseqovinanın paytaxtı Sarayevoda Avropa İttifaqının polis xidmətinin - “Europol” birgə kommunikasiya mərkəzi açılıb.
AZƏRTAC xəbər verir ki, Bosniya və Herseqovinanın “Europol” ilə əməkdaşlığı çərçivəsində açılan mərkəzdə polis orqanlarının müxtəlif bölmələrinin 16 əməkdaşı çalışacaq.
Mərasimdə Bosniya və Herseqovinanın təhlükəsizlik naziri Nenad Neşiç, “Europol”un direktor müavini Jan Filip Lekuf və Avropa İttifaqının (Aİ) Bosniya və Herseqovinadakı nümayəndəliyinin rəhbəri Yohan Setler iştirak ediblər.
Bosniya və Herseqovinanın “Europol”un sıralarına daxil olmasından və birgə əməkdaşlıqdan məmnunluq ifadə olunub, Bosniya və Herseqovinanın Aİ-yə üzvlük yolunda möhkəm addımlar atdığı bildirilib. Mərkəzin fəaliyyətə başlaması ilə ölkədə informasiya axınının asanlaşacağı da vurğulanıb.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
