ŞARL DE QOL HAVA LİMANININ 30 YAŞI TAMAM OLMUŞDUR
AZƏRTAC-ın müxbiri xəbər verir ki, 1974-cü ilin mart ayının 8-də o dövrdə baş nazir Pyer Mesmer tərəfindən ilk terminalın təntənəli açılışının qeyd olunduğu bu ən böyük hava limanı ilə indiyədək 48,35 milyon sərnişin daşınmışdır.
Hazırda üç nəhəng terminalı özündə birləşdirən hava limanının 75000 əməkdaşı dünyanın bütün ölkələrinə uçan sərnişinlərə müxtəlif xidmətlər göstərir.
Hava limanının fəaliyyət göstərdiyi 30 il ərzində yalnız bir dəfə ağır faciə baş vermişdir. 2000—ci ilin iyul ayının 25-də sınaqdan keçirilən “Konkord” tipli təyyarənin qəzaya uğraması nəticəsində 113 nəfər həlak olmuşdur.
