Satınalmalarla bağlı təkliflər portalda dərc ediləcək
Bakı, 22 iyun, AZƏRTAC
Dövlət satınalmaları ilə bağlı təkliflərin cəlb olunması barədə elan təklifin dəyərindən asılı olaraq müəyyən zaman müddətində portalda dərc edilir.
AZƏRTAC xəbər verir ki, bununla bağlı məsələ Milli Məclisin İqtisadi siyasət, sənaye və sahibkarlıq komitəsinin iyunun 22-də keçirilən iclasının gündəliyinə daxil edilən “Dövlət satınalmaları haqqında” qanun layihəsində öz əksini tapıb.
Sənədə əsasən, açıq tender metodu üzrə ehtimal olunan qiymət 1 milyon manatadək olduqda 15 iş günü, 1 milyon manatdan 10 milyon manatadək olduqda 20 iş günü, 10 milyon manat və ondan çox olduqda 30 iş günü müəyyən olunur.
İkimərhələli tender metodu üzrə (birinci mərhələnin təkliflərinə münasibətdə) 40 iş günü, kotirovka sorğusu metodu üzrə 10 iş günü müddətində müəyyənləşdirilir.
Bölmənin digər xəbərləri
