Səfir: Dünya Bankının hesabatında Azərbaycanla bağlı yaxşı perspektivlər qeyd edilib
Bakı, 22 iyun, AZƏRTAC
Slovakiya dünyada ən böyük avtomobil istehsal edən ölkələrdən biridir. Uzunmüddətli risklərdən danışarkən demək olar ki, Slovakiya Avropa İttifaqının ən həssas ölkələrindən birinə çevrilir. Çünki robotlaşma sosial problemlərə və işsizliyə səbəb ola bilər.
AZƏRTAC xəbər verir ki, bu sözləri Slovakiyanın Azərbaycandakı səfiri Milan Layçak "Vişeqrad qrupu və Azərbaycan" adlı beynəlxalq seminarda çıxışı zamanı deyib.
Ölkəmizin iqtisadi inkişafına toxunan Milan Layçak Azərbaycanın 2002-2006-cı illər üçün sosial-iqtisadi inkişaf strategiyası qəbul etdiyini xatırladıb. Bildirib ki, Dünya Bankının hesabatında Azərbaycan üçün yaxşı perspektivlər qeyd edilib.
"Azərbaycan daha canlı, dinamik özəl sektora, regiona daha çox inteqrasiyaya, daha güclü insan kapitalına, daha çoxşaxəli iqtisadiyyata əsaslanan yeni modelə keçməklə 2050-ci ildə ÜDM-in ümumi gəlirini 40 faizə yüksəldə bilər", deyə səfir qeyd edib.
Bölmənin digər xəbərləri
