Səhiyyə sənayesi nəhənglərinin Vilnüsdə keçiriləcək konfransında innovasiyalar müzakirə ediləcək
Bakı, 12 oktyabr, AZƏRTAC
Vilnüsdə “Health Tech Forward” mövzusunda konfrans işə başlayıb. Tədbir rəqəmsal səhiyyə sahəsində aparıcı şirkətlərdən biri olan “Kilo Health” şirkətinin təşəbbüsü ilə keçirilir. “Kilo Health” şirkətinin dəvətinə əsasən Litvada ilk bu cür genişmiqyaslı tədbir olan konfransda səhiyyə texnologiyaları sahəsinin 500-dən çox eksperti və lideri, habelə "AstraZeneca", "Roche", "Novartis", "Bayer", "Microsoft" kimi sənaye nəhənglərinin nümayəndələri iştirak edəcəklər.
AZƏRTAC xarici KİV-lərə istinadla xəbər verir ki, oktyabrın 12-13-də Litva Səhiyyə Nazirliyinin himayəsi ilə keçirilən konfransın təşkilatçısı olan “Futurae Media” şirkətidir. Ən müasir videokonfrans rabitə texnologiyaları bu tədbiri dünyanın 50-dən çox ölkəsindən olan iştirakçılar üçün birbaşa efirdə translyasiya etməyə imkan verəcək.
“Kilo Health” şirkətinin rəhbəri Tadas Burqayla deyib: “Ənənəvi səhiyyə sistemi innovasiyalara kifayət qədər sürətlə uyğunlaşmırdı. Lakin COVID-19 pandemiyası bu prosesi sürətləndirib. Hazırda bu, ən perspektivli və mütərəqqi bazarlardan biridir”.
Bölmənin digər xəbərləri
