Şəki Regional Elmi Mərkəzinin nailiyyətləri davam edir
Bakı, 1 sentyabr, AZƏRTAC
AMEA-nın Şəki Regional Elmi Mərkəzinin Ədəbi-mədəni mühit, folklor və etnoqrafiya şöbəsinin aparıcı elmi işçisi filologiya üzrə fəlsəfə doktoru, dosent Ulduz Mürşüdovanın “Azərbaycan və Şimali Amerika hindu folkloru” adlı kitabı İstanbul şəhərində yerləşən Sabahattin Zaim Universitetinin kitabxanasının elektron kataloqunda yerləşdirilib.
Bu barədə AZƏRTAC-a AMEA-dan məlumat verilib.
Qeyd edək ki, 2018-ci ildə çap edilərək elmi ictimaiyyətə təqdim olunan tədqiqat əsəri müəllifin uzun illər ərzində apardığı araşdırmaların nəticəsidir.
Kitabda Azərbaycan Türk-Oğuz folkloru ilə Şimali Amerika hindu folkloru arasında maraqlı müqayisəli təhlillər aparılıb, hər iki xalqın folklor nümunələrinin oxşar və fərqli xüsusiyyətləri tədqiq edilib.
Bölmənin digər xəbərləri
