ŞƏKİDƏ YANĞIN TƏHLÜKƏSİZLİYİNƏ HƏSR OLUNMUŞ ZONA MÜŞAVİRƏSİ KEÇİRİLMİŞDİR

20.05.2006 [16:19]
Çap et
A⁺ A^-

AZƏRTAC-ın müxbiri xəbər verir ki, respublika Fövqəladə Hallar Nazirliyinin Baş Dövlət Yanğın Təhlükəsizliyi İdarəsi Kənd Təsərrüfatı Nazirliyi ilə birgə Şəki şəhərində yanğın təhlükəsizliyi tədbirlərinə həsr olunmuş zona müşavirəsi keçirmişdir. Müşavirədə Şəki-Zaqatala bölgəsi, həmçinin İsmayıllı və Şamaxı rayonlarının yanğın təhlükəsizliyi xidmətləri rəisləri, Ekologiya və Təbii Sərvətlər Nazirliyinin yerli qurumlarının nümayəndələri, fermerlər və təsərrüfat rəhbərləri iştirak etmişlər.

Tədbiri giriş sözü ilə açan Şəki Şəhər İcra Hakimiyyəti başçısının aqrar məsələlər üzrə müavini Şahin Babayev müşavirənin respublikamızda dənli və texniki bitkilərin yığılması, daşınması, saxlanması və emalı mövsümündə keçirilməsinin mühüm əhəmiyyət daşıdığını bildirmişdir.

Müşavirədə idarənin şöbə rəisi polkovnik-leytenant Azər Talıbov geniş məruzə etmişdir.

Sonra iştirakçıları maraqlandıran suallara aydınlıq gətirilmişdir.

Müşavirədə Baş Dövlət Yanğın Təhlükəsizliyi İdarəsinin rəisi, daxili xidmət polkovniki Çingiz Əsgərov iştirak etmişdir.