“ŞƏMKİR SES SİLSİLƏSİ” AVQUSTDA ENERJİ İSTEHSALI PROQNOZUNU ARTIQLAMASI İLƏ YERİNƏ YETİRMİŞDİR
AZƏRTAC “Azərenerji” Açıq Səhmdar Cəmiyyətinin mətbuat xidmətinə istinadla xəbər verir ki, cari ilin avqustunda “Şəmkir SES Silsiləsi” Məhdud Məsuliyyətli Cəmiyyətində 52 milyon kilovat-saatdan artıq elektrik enerjisi istehsal edilmişdir. Bu, nəzərdə tutulduğundan 8 milyon kilovat-saat və yaxud 19 faiz çoxdur.
Bu həcmİn 41 milyon kilovat-saatI “Şəmkir” SES-in, 11 milyon kilovat-saatı isə “Yenikənd” SES-in payına düşür.
Həmin müddətdə hər kilovat-saat elektrik enerjisi istehsalına proqnozlaşdırıldığından az şərti yanacaq sərf edilmişdir. Nəticədə 12 min kilovat-saatdan artıq elektrik enerjisinə qənaət olunmuşdur.
Görülmüş tədbirlər nəticəsində istehlakçılara verilən elektrik enerjisinin keyfiyyəti əsaslı surətdə yaxşılaşmışdır.
Stansiyada energetika sisteminin sabitliyinin təmin edilməsi və istehsal olunan enerjinin istehlakçılara itkisiz çatdırılması məqsədi ilə tədbirlər həyata keçirilir.
Bölmənin digər xəbərləri
