SENATORLAR DÜNYA MALİYYƏ BÖHRANININ RUSİYA ÜÇÜN NƏ DƏRƏCƏDƏ TƏHLÜKƏLİ OLDUĞUNU ARAŞDIRIRLAR
Federasiya Şurasının Maliyyə Bazarları və Pul Tədavülü Komitəsinin sədri Dmitri Ananyev isə əlavə etmişdir ki, cəmiyyətdə maliyyə böhranı ilə bağlı təlaş üçün əsas yoxdur, lakin nəzərə almaq lazımdır ki, Rusiya hələ də inkişaf etməkdə olan bazardır. Senator hesab edir ki, ölkə bazarının Qərb dövlətlərinin rəqabətədavamlı bazarları kimi müdafiə olunması üçün təcili qaydada qanunvericiliyə dəyişikliklər edilməlidir. Digər senator Boris Listovun fikrincə isə böhranın Rusiya iqtisadiyyatına ciddi ziyan vurması ilə bağlı narahatlıq keçirməyə ehtiyac yoxdur, baxmayaraq ki, Rusiya dünya maliyyə böhranına kifayət qədər həssas reaksiya vermişdir. O demişdir: “Bu, onunla bağlıdır ki, Rusiya dünya maliyyə sisteminin tərkib hissəsidir və xarici kapitalın Rusiya iqtisadiyyatında payı böyükdür. Ona görə də dünya maliyyə böhranı bizdən yan keçməmişdir”.
