Sərbəst güləşçilərimiz Qazaxıstandan beş medalla qayıdırlar
Bakı, 1 may, AZƏRTAC
Azərbaycanın 17 yaşadək sərbəst güləşçilərdən ibarət yığması Qazaxıstanın Atırau şəhərində keçirilən beynəlxalq turnirdə 5 medal qazanıb.
AZƏRTAC Azərbaycan Güləş Federasiyasına istinadla xəbər verir ki, böyük məşqçi Əsgərxan Novruzov və məşqçi Vahid Məmmədovun rəhbərliyi altında millinin heyətində Yusif Dursunov (110 kq) bütün rəqiblərinə qalib gələrək çempion olub.
Eltun Mamedov (45 kq) gümüş, Bəşir Verdiyev (51 kq), İsmayıl Rəhimli (71 kq) və Səid Paşayev (92 kq) isə bürünc medal qazanıblar.
Azərbaycan yığması komanda hesabında üçüncü yeri tutub.
Bölmənin digər xəbərləri
