Serbiyada meşə yanğınları zamanı 6 nəfər xəsarət alıb
Belqrad, 8 iyul, AZƏRTAC
Serbiyanın bir neçə regionunda meşə yanğınları ilə mübarizə aparılır.
AZƏRTAC bu ölkənin Daxili İşlər Nazirliyinə istinadla xəbər verir ki, ölkə ərazisində açıq ərazilərdə ümumilikdə 620 yanğın qeydə alınıb. Yanğınlar zamanı iki yanğınsöndürən və dörd mülki şəxs xəsarət alıb.
Ölkənin Kurşumliya və Borda bölgələrində fövqəladə vəziyyət yaranıb. Qərbi Serbiyanın Kraquyevaç və Niş regionlarındakı bəzi yerlərə elektrik enerjisinin verilişi dayanıb.
Yanğınsöndürmə və xilasetmə qüvvələri, o cümlədən helikopter bölmələri, eləcə də ordu yanğınsöndürmə işlərinə cəlb olunub. Yüksək temperatur və güclü külək isə yanğınların qarşısının alınmasını çətinləşdirir.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
