SERGEY LAVROV VƏ KONDOLİZA RAYS İRANIN NÜVƏ MƏSƏLƏSİNİ MÜZAKİRƏ ETMİŞLƏR
S.Lavrov demişdir: “İndiki vəziyyətdə biz İranın nüvə məsələsinin Beynəlxalq Atom Enerjisi Agentliyinə və digər təşkilatlara verilməsi üçün heç bir əsas görmürük. Mən İranın BAEA ilə əməkdaşlığının davam etdirilməsinin zəruriliyini nəzərə çarpdırıram. İranın nüvə proqramı barədə beynəlxalq birlikdə yaranan məsələləri axıradək aydınlaşdırmaq lazımdır”.
Rusiya naziri vurğulamışdır ki, indiki vəziyyət İranın nüvə məsələsi üzərində işi BAEA vasitəsilə fəal davam etdirməyə imkan verir. O xatırlatmışdır ki, BAEA inspektorları daimi əsasda İrandadırlar. Onlar əldə etdikləri tərəqqi barədə məlumat verirlər.
Kondoliza Rays isə demişdir: “ABŞ hesab edir ki, İranın dinc nüvə proqramı yaratmağa ehtiyacı yoxdur”. O, İranın nüvə dosyesinin BMT Təhlükəsizlik Şurasına verilməsini də, problemin Tehranla danışıqlar yolu ilə həll edilməsini də mümkün sayır.
Bölmənin digər xəbərləri
