Sərhədyanı turizmin inkişaf perspektivləri mövzusunda beynəlxalq konfrans keçiriləcəkdir
Bakı, 8 dekabr (AZƏRTAC). Dekabrın 9-10-da Bakı şəhərində Mədəniyyət və Turizm Nazirliyi respublikamızda 2011-ci ilin “Turizm ili” elan edilməsi ilə bağlı Tədbirlər Planı çərçivəsində qonşu ölkələrin nümayəndələrinin iştirakı ilə konfrans keçiriləcəkdir.
Nazirliyin mətbuat xidmətindən AZƏRTAC-a bildirmişlər ki, konfransda “Turizmin humanitar potensialı”, “Turizmdə din və mədəniyyət amili”, “Turizmin sosial iqtisadi və kulturoloji mahiyyəti”, “Turizmdə mədəniyyətlərarası dialoq”, “Azərbaycanda turizm təhsili və bu sahədə əməkdaşlıq imkanları”, “Transsərhəd ölkələrinin turizm potensialının birləşdirilməsində arxeoloji turizmin yeri” və regional səviyyədə birgə əməkdaşlıq perspektivlərinə dair məsələlər barədə müzakirələr aparılacaqdır.
Bölmənin digər xəbərləri
