SƏRNİŞİN QATARLARI YAY MÖVSÜMÜNDƏ YENİ QRAFİKLƏ HƏRƏKƏT EDƏCƏKLƏR
Azərbaycan Dövlət Dəmir Yolunun (ADDY) mətbuat xidmətindən AZƏRTAC-a bildirmişlər ki, sərnişin daşınması qrafikinə uyğun olaraq, iyun ayından etibarən Bakı-Tümen sərnişin qatarı xəttə günaşırı buraxılacaqdır. ADDY-ə məxsus19 vaqonun qoşulduğu bu qatar Bakı-Yekaterinburq istiqamətində hərəkət edir. Yay mövsümü ilə əlqədar qatarın hərəkəti Tümenə qədər uzadılacaqdır. Bundan əlavə, Novosibirsk-Omsk-Bakı istiqamətində də yeni qatar istifadəyə veriləcəkdir. Rusiyaya məxsus 18 vaqonun qoşulması planlaşdırılan bu qatar sərnişinlərə 8 gündən bir xidmət göstərəcəkdir. Çelyabinsk, Ufa, Samara, Saratov vaqonları da həmin qatara qoşulacaqdır.
Fevralın 17-dən etibarən isə Bakı-Kiyev qatarına İjevsk-Bakı vaqonunun qoşulması nəzərdə tutulmuşdur. Bu vaqon Bakıdan hər həftənin şənbə günləri yola düşəcəkdir.
Bölmənin digər xəbərləri
