Sertifikasiya imtahanları iki sessiyada təşkil olunacaq
Bakı, 19 iyun, AZƏRTAC
Sertifikasiya imtahanları iki sessiyada təşkil olunacaq.
AZƏRTAC xəbər verir ki, bunu Təhsil İnstitutunun İnsan resursları mərkəzinin direktoru Nurlan İsmayılbəyli bu gün keçirilən brifinqdə deyib. Onun sözlərinə görə, birinci sessiya üçün qeydiyyat prosesi səhər saat 8:30-dan 9:45-ə, ikinci sessiya üçün isə 13:30-dan 14:45-ə kimi davam edəcək. İyunun 20-dən 23-dək ibtidai sinif müəllimləri, iyunun 23-ü ibtidai sinif üzrə rus bölməsi, iyunun 24-ü isə Azərbaycan dili və ədəbiyyat müəllimlərinin sertifikatlaşdırma imtahanı nəzərdə tutulub. Azərbaycan dili və ədəbiyyat fənni üzrə 8 min 500, ibtidai sinif üzrə isə 19 min 500 müəllim sertifikatlaşdırma prosesinə cəlb olunacaq.
Bölmənin digər xəbərləri
