Səudiyyə Ərəbistanı yeni nəhəng “Əbədi Bağ” layihəsini elan edib
Bakı, 23 aprel, AZƏRTAC
Səudiyyə Ərəbistanının rəsmiləri Qırmızı dəniz sahilində daha bir obyektin tikintisinə başlandığını bildiriblər. Məqsəd neftlə zəngin səhra krallığını turistlər üçün cənnətə çevirməkdir.
AZƏRTAC xəbər verir ki, Britaniyanın “Foster + Partners” studiyası tərəfindən layihələndirilmiş Laheq kurortu, bol yaşıllığa görə “Əbədi Bağ” adını alıb və ölkənin qərbində yerləşən 90 adadan ibarət arxipelaqı əhatə edəcək. 400 hektarlıq sahəni əhatə edən kurortun mərkəzində diametri 800 metr olan süni dairəvi konstruksiya qurulacaq. Burada lüks apartamentlər, mehmanxanalar, ticarət mərkəzləri, əyləncə zonaları, qolf meydançaları və yaxtalar üçün limanlar inşa ediləcək.
Laheq kurortunun 2028-ci ilə qədər istifadəyə verilməsi planlaşdırılır.
Bölmənin digər xəbərləri
