Sian şəhərindən Orta Dəhlizlə 100 mininci konteyner yola salınıb
Astana, 2 iyun, AZƏRTAC
Çinin Sian şəhərindən Trans-Xəzər Beynəlxalq Nəqliyyat Marşrutu (TITR) üzrə qatar tərkibində DFE (iyirmi futluq ekvivalent) ölçüsündə 100 mininci konteyner ilə yola salınıb.
AZƏRTAC “Qazaxıstan Temir Jolu” ASC-nin mətbuat xidmətinə istinadla xəbər verir ki, qatarın tərkibində elektronika, mebel, istehlak malları və digər məhsullarla dolu 50 konteyner var.
2024-cü ilin fevral ayından istismara verilən Sian şəhərindəki Qazaxıstan-Çin terminalı bu günə qədər 200 min tondan çox yük emal edib və beynəlxalq ticarətdə mühüm logistika platformasına çevrilib.
Bu terminaldan 100 mininci konteynerin yola salınması TITR marşrutu üzrə daşımaların artan tələbatını və terminalın bu prosesdəki əhəmiyyətli rolunu təsdiqləyir. Eyni zamanda, bu, iki ölkənin logistika tərəfdaşları arasında səmərəli əməkdaşlığın göstəricisidir.
Trans-Xəzər Beynəlxalq Nəqliyyat Marşrutu, həmçinin Orta Dəhliz kimi tanınır, Qazaxıstan, Xəzər dənizi hövzəsi, Azərbaycan, Gürcüstan və Türkiyə vasitəsilə Çin ilə Avropa ölkələrini birləşdirir.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
