“ŞİNDAN” MƏHSULLARINI XARİCİ BAZARA ÇIXARMAQ NİYYƏTİNDƏDİR

23.02.2004 [12:29]
Çap et
A⁺ A^-

On iki il əvvəl Astaranın Ərçivan kəndində fəaliyyətə başlayan “Şindan” müəssisəsinin hazırda 5 hektar torpaq sahəsi, gün ərzində 36 ton düyü və 15 ton un istehsal edən dəyirmanları, çörək və çörək məmulatı istehsal edən və spirtsiz içkilər buraxan sexləri vardır. 50 nəfərin çalışdığı müəssisənin dövriyyə vəsaiti 1 milyard manatı ötmüşdür. Burada tərəvəz məhsulları ilə bərabər, çəltik və sitrus meyvələri də istehsal olunur.

“Şindan”ın direktoru Rafiq Cəfərov AZƏRTAC-ın müxbirinə bildirmişdir ki, yeni istehsal sahələri yaratmaq və müəssisənin təsərrüfat fəaliyyətini genişləndirmək üçün maliyyə çətinliyimiz vardır. Əgər güzəştli qaydada uzunmüddətli kreditlər verilərsə, tərəvəz və yem məhsulları üzrə sexlər, kərpic zavodu tikə bilərik. Biz bu yolla kənddə yeni iş yerləri açmaq və məhsullarımızı xarici bazara çıxarmaq niyyətindəyik.

“ŞİNDAN” MƏHSULLARINI XARİCİ BAZARA ÇIXARMAQ NİYYƏTİNDƏDİR

MÜƏLLİFLƏ ƏLAQƏ

Bölmənin digər xəbərləri