Şinzo Abe: Hökumət artırılmış istehlak vergisinin təsirini azaltmaq üçün lazımi addımları atacaq
Tokio, 1 oktyabr, AZƏRTAC
Yaponiyanın Baş Naziri Şinzo Abe bildirib ki, rəhbərlik etdiyi hökumət oktyabrın 1-də artırılmış istehlak vergisinin təsirini azaltmaq üçün lazımi bütün addımları atacaq.
AZƏRTAC xəbər verir ki, istehlak vergisinin 8 faizdən 10 faizə qaldırılmasının zərurətdən irəli gəldiyini vurğulayan Baş Nazir əldə ediləcək vəsaitin ödənişsiz məktəbəqədər təhsilə və körpələrə qulluq göstərilməsinə yönəldiləcəyini bildirib.
Ş.Abe, həmçinin qeyd edib ki, az miqdarda pensiya alan yaşlı insanlara 560 dollar məbləğində illik əlavə vəsait ödənəcək.
Baş Nazir bildirib ki, istehlak vergisinin artırılması sosial təminat sahəsində islahatları davam etdirməklə yanaşı, ehtiyacı olan bütün yaş qrupları üçün sosial qayğını yaxşılaşdırmağa şərait yaradacaq.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
