Şıx çimərliyinin sahil zolağındakı 10 hektar ərazi tullantılarından təmizlənmişdir
Bakı, 29 sentyabr (AZƏRTAC). Sentyabrın 29-da Ekologiya və Təbii Sərvətlər Nazirliyi (ETSN) tərəfindən Beynəlxalq Dəniz Günü ilə əlaqədar Xəzər dənizinin sahil zolağında iməcilik keçirilmişdir.
İməcilikdə nazirliyin əməkdaşları ilə yanaşı, ictimaiyyət nümayəndələri də iştirak etmişlər.
ETSN-in mətbuat xidmətindən AZƏRTAC-a bildirmişlər ki, Şıx çimərliyinin sahil zolağındakı 10 hektar ərazi 10 kubmetrdən artıq bərk məişət tullantılarından təmizlənmişdir.
Beynəlxalq Dəniz Günü ilə əlaqədar ölkədə keçirilmiş bütün tədbirlər Xəzərin qorunmasına və sərvətlərinin mühafizə olunmasına, eyni zamanda, ictimaiyyətin maarifləndirilməsinə yönəlmişdir.
Bölmənin digər xəbərləri
