Siyəzəndə həyətyanı sahədə yerləşən sex yanıb
Siyəzən, 21 avqust, Elxan Yusifli, AZƏRTAC
Siyəzən rayonunun Siyəzən kəndində həyətyanı sahədə yerləşən sex yanıb.
AZƏRTAC-ın bölgə müxbiri xəbər verir ki, hadisə yerinə Siyəzən Rayon Dövlət Yanğından Mühafizə Hissəsinin texnikası və canlı qüvvələri cəlb olunub.
Hadisə yerində əməliyyat şəraiti qiymətləndirilərkən müəyyən edilib ki, yanğın fəaliyyət göstərməyən, ümumi sahəsi 800 kvadratmetr olan sexdə baş verib. Yanğınsöndürənlər tərəfindən görülmüş operativ və təxirəsalınmaz tədbirlər sayəsində yanğının geniş əraziyə yayılmasının qarşısı alınaraq qısa müddətdə söndürülüb.
Yanğın nəticəsində sexin yanar konstruksiyaları 600 kvadratmetr sahədə yanıb. Sexin qalan hissəsi və yaxınlıqdakı digər sexlər yanğından mühafizə olunub.
Bölmənin digər xəbərləri
