Son 3 gündə yağan yağışlar Lənkəran-Astara zonasında daha güclü olub
Bakı, 10 noyabr, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Departamenti noyabrın 7-dən 10-dək ölkə ərazisində müşahidə olunan faktiki hava şəraiti barədə məlumat yayıb.
Məlumatda bildirilir ki, son 3 gün ərzində ölkə ərazisində hava şəraiti qeyri-sabit keçib, yağış yağıb. Abşeron yarımadasının bəzi yerlərində yağıntı intensiv, Lənkəran-Astara zonasında daha güclü olub. Düşən yağıntının miqdarı Bakıda və Abşeron yarımadasında 20-30 millimetr (aylıq normanın 86 faizi), Lənkəran-Astara zonasında 69-122 millimetr (aylıq normanın 44-72 faizi), Mərkəzi Aran rayonlarında 13-19 millimetr (aylıq normanın 41-66 faizi), Böyük Qafqazda 10-19 millimetr (aylıq normanın 38 faizi) təşkil edib.
Bölmənin digər xəbərləri
