CƏMİYYƏT
Son iki ayda əmək müqavilələrinin sayında 7,9 min artım olub
![Son iki ayda əmək müqavilələrinin sayında 7,9 min artım olub](/files/2023/1/1200x630/1679133052955143153_1200x630.jpg)
Bakı, 18 mart, AZƏRTAC
Yanvar-fevral aylarında əməkhaqqı fondu 5,2 faiz artıb.
Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən AZƏRTAC-a verilən məlumata görə, məşğulluq imkanlarının artırılması, qeyri-rəsmi məşğulluğun leqallaşdırılması istiqamətində tədbirlər əmək müqavilələrinin sayında artım dinamikasının davam etməsinə imkan yaradıb.
Bu ilin yanvar-fevral aylarında ölkəmizdə əmək müqavilələrinin sayı 7,9 min və ya 0,5 faiz artaraq 2023-cü il martın 1-nə 1 754 011 müqavilə təşkil edib.
Həmin müsbət nəticələr, aparılan ardıcıl əməkhaqqı islahatları əməkhaqqı fondunda davamlı artımı şərtləndirir. Son iki ayda əməkhaqqı fondunda 5,2 faiz artım baş verib.