Sorğu: Trampla mübahisədən sonra Zelenskinin reytinqi artıb
Kiyev, 7 mart, AZƏRTAC
Ukrayna Prezidenti Volodimir Zelenskinin reytinqi 68 faizə yüksəlib. ABŞ Prezidenti Donald Trampla mübahisədən sonra bu göstərici 10 faiz bəndi artıb.
AZƏRTAC bu barədə Kiyev Beynəlxalq Sosiologiya İnstitutunun (KBSİ) keçirdiyi sorğunun məlumatlarına istinadla xəbər verir.
KBSİ-nin məlumatlarına görə, 2025-ci ilin fevral ayının birinci yarısına, Ukrayna ilə ABŞ arasında münasibətlər kəskinləşməmişdən əvvəl, ukraynalıların 57 faizi Zelenskiyə inanırdı, 37 faiz isə ona etibar etmirdi. Həmin vaxt güvən və inamsızlıq nisbəti müsbət 20 faiz təşkil edib.
Bundan əlavə, fevralın 14-dən martın 4-dək olan dövrdə etimad səviyyəsi 67 faizə yüksəlib, etibar etməyənlərin sayı isə 29 faizə qədər azalıb. Müvafiq olaraq, inam-etimadsızlıq balansı müsbət 38 faizə çatıb.
Eyni zamanda, fevralın 14-dən martın 4-dək olan dövrdə bir çox rezonans doğuran hadisələr, xüsusən də 2025-ci il fevralın 28-də Ağ evdə emosional görüş baş verdi.
Artıq 2025-ci il fevralın 14-dən 28-dək olan dövrdə etimad 4-9 fevral 2025-ci il tarixlərindən daha yüksək olub və 2025-ci il martın 1-dən 4-dək olan dövrdə Zelenskiyə inam 68 faizə çatıb.
2025-ci il martın 1-dən martın 4-dək olan dövrdə inamsızlıq səviyyəsi 27 faiz təşkil edib. 2025-ci il 1-4 mart günləri üçün etibar-etimadsızlıq balansı müsbət 41 faiz olub.
Kiyev
Bölmənin digər xəbərləri
