Sosial sahə üzrə bu il 260 minədək e-arayış verilib
Bakı, 6 sentyabr, AZƏRTAC
Əmək və Əhalinin Sosial Müdafiəsi Nazirliyinin fəaliyyət sahələrinə dair elektron arayış xidmətləri vasitəsilə bu il 260 minədək e-arayış verilib.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, onların böyük hissəsi iş yerinə, pensiya, müavinət və təqaüd, əlillik, məşğulluğa dair arayışlar olub.
Son 5 ildə əmək, məşğulluq, sosial müdafiə, əlillik, reabilitasiya və s. sahələr üzrə geniş elektronlaşma proqramı çərçivəsində nazirliyin 31 e-arayış xidməti də istifadəyə verilib.
Həmin e-xidmətlər vətəndaşlara iş yerinə və əlilliyə dair, pensiya, müavinət, təqaüd, maddi yardım, ünvanlı yardım, dövlət tərəfindən mənzil və avtomobillə təminedilmə, fərdi şəxsi hesab və s. barədə e-qaydada arayış əldə etməyə imkan yaradıb.
Bölmənin digər xəbərləri
