Sosial xidmət müəssisəsinin sakinləri yeniyetmələrin ölkə çempionatında ikinci yerə çıxıblar
Bakı, 13 fevral, AZƏRTAC
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin 2 saylı Uşaq evi sosial xidmət müəssisəsinin sakinləri İradə Çeredelina və Sara Kərimova qadın güləşi üzrə yeniyetmələrin ölkə çempionatında ikinci yeri tutublar.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, onlar Gənclər və İdman Nazirliyi tərəfindən medal və diplomlarla təltif ediliblər.
Qeyd edək ki, Gəncə İdman Sarayında təşkil olunan qadın güləşi üzrə U15 və U17 birinciliklərində 80-dən çox gənc idmançı iştirak edib.
Yarışda fərqlənən idmançıların gələcəkdə milli komandanın tərkibinə cəlb olunması və beynəlxalq yarışlarda ölkəmizi təmsil etməsi nəzərdə tutulur.
Bölmənin digər xəbərləri
