SUMQAYITDA HAVAININ KƏSKİN DƏYİŞMƏSİNİN NƏTİCƏLƏRİ TEZLİKLƏ ARADAN QALDIRILMIŞDIR
Şəhər icra hakimiyyətinin başçısı Vaqif Əliyev AZƏRTAC-ın müxbirinə bildirmişdir ki, təbii fəlakət şəhəri qəfl yaxalamamışdır. Operativ tədbirlər nəticəsində qəzaların qarşısını alınmışdır. Fevralın 23-də axşamdan başlayaraq şəhərdə hava kəskin dəyişmişdir. Temperaturun aşağı düşməsi ilə əlaqədar yağıntı artmış, küləyin sürəti isə bəzən saniyədə 30 metrə çatmışdır. Yüksəkgərginlikli elektrik xətlərinin keçdiyi bir neçə dayaq tiri aşdığıdan qəza baş vermişdir. Lakin mütəxəssislərin səyilə elektrik enerjisi təchizatı qısa müddətdə bərpa olunmuşdur.
Təbii fəlakət səhiyyə obyektlərinə, yaşayış evlərinə də ziyan vurmuşdur. Evlərin və məktəblərin damları uçmuş, uşaq tərbiyə müəssisələrində pəncərələr sınmış, ağaclar və küçə fənərləri aşmışdır.
İcra hakimiyyətinin başçısı V.Əliyev təmir işlərinin keyfiyyətinə nəzarət etməyən bir sıra struktur rəhbərlərinə ciddi iradlarını bildirmişdir.
Müşavirədə maddi-texniki bazanın yaxşılaşdırılmasına və təkmilləşdirilməsinə, habelə fövqəladə hallarda mühüm obyektlərin fəaliyyətinin avtomatik rejimə keçirilməsinə dair konkert tədbirlər görülməsi nəzərdə tutulmuşdur.
