ŞURA GƏLƏCƏK FƏALİYYƏTİNİN İSTİQAMƏTLƏRİNİ MÜƏYYƏNLƏŞDİRİR
İclas iştirakçıları - gənclər, idman və turizm, müdafiə, təhsil nazirliklərinin, Respublika Hərbi Komissarlığının, qeyri-hökumət və yaradıcılıq təşkilatlarının nümayəndələri ümummilli liderimiz, Prezident Heydər Əliyevin xatirəsini birdəqiqəlik sükutla yad etdilər.
Gənclər, idman və turizm nazirinin müavini İntiqam Babayev iclası açaraq, Prezident Heydər Əliyevin gənclərin Vətənə və onun tarixinə məhəbbət ruhunda tərbiyə olunmasına daim böyük diqqət yetirdiyini xatırlatdı.
İclas iştirakçıları ümummilli liderimiz Heydər Əliyevin adının əbədiləşdirilməsi ilə bağlı müxtəlif təkliflər irəli sürdülər. Həmin təkliflər ümumiləşdirilərək, Dövlət Komissiyasına təqdim ediləcəkdir.
İclasda Respublika Şurası yanında təbliğat və maarifçilik işi üzrə, gənclərlə və çağırış yaşlı gənclərlə iş üzrə, ordudan tərxis olunmuş gənclərin sosial reabilitasiyası məsələləri, əyani təbliğat vasitələrinin hazırlanması üzrə komissiyalar yaradılması barədə qərar qəbul edildi.
