“ŞUŞA UĞRUNDA” HƏRƏKATININ TƏSİS KONFRANSI KEÇİRİLMİŞDİR
Bir neçə mədəniyyət qurumunun daxil olduğu hərəkatın təşkilat komitəsinin sədri, Bakı İncəsənət Mərkəzinin baş direktoru Rafael Gülməmmədli yeni qurumun qayəsini açıqlayaraq bildirmişdir ki, onu yaratmaqdan məqsəd Şuşanın unudulmasına yol verməmək, düşmən tapdağı altında məhv olan tarixi maddi mədəniyyət abidələrimizi, mədəni irsimizi qorumaq, təbliğ etmək və dünya ictimaiyyətinin diqqətini şəhərin hazırkı durumuna yönəltməkdir.
O vurğulamışdır ki, hərəkatın qapısı hamının üzünə açıqdır. Ayrı-ayrı şəxslər və təşkilatlar yeni qurumun işində fəal iştirak edə bilərlər.
Tədbirdə hərəkata daxil olan mədəniyyət qurumlarının adı açıqlanmış, qurumun təşkilat komitəsi seçilmişdir.
Axırda “Şuşa uğrunda” hərəkatının bəyanatı oxunmuşdur.
Bölmənin digər xəbərləri
