Şuşa və Ağdama avtobus marşrutları ilə 21 mindən çox sərnişin səfər edib
Bakı, 24 yanvar, AZƏRTAC
Bu günədək müntəzəm avtobus marşrutları ilə Şuşa və Ağdam şəhərlərinə 506 reys uğurla həyata keçirilib, 21 min 15 nəfər bu yerləri ziyarət edib.
Rəqəmsal İnkişaf və Nəqliyyat Nazirliyindən AZƏRTAC-a bildirilib ki, Şuşaya 17 min 21 sərnişin səfər edib. Onlardan 11 min 905 nəfər Bakı-Şuşa-Bakı, 5116 nəfər isə Əhmədbəyli-Şuşa-Əhmədbəyli reysi ilə gedib. Ağdama isə ümumilikdə 3994 sərnişin səfər edib ki, onlardan 2013 nəfər Bakı-Ağdam-Bakı, 1981 nəfər isə Bərdə-Ağdam-Bərdə reysi ilə gedib.
Bölmənin digər xəbərləri
