Tanınmış teleaparıcı BDU-nun Jurnalistika fakültəsinin tələbələri ilə görüşüb
Bakı, 16 may, AZƏRTAC
Bakı Dövlət Universitetinin (BDU) Jurnalistika fakültəsi ilə “Azərbaycan Televiziya və Radio Verilişləri” QSC-nin nəzdində fəaliyyət göstərən Teleradio Akademiyası arasında bağlanmış anlaşma memorandumu çərçivəsində növbəti ustad dərsi keçirilib.
Bu barədə AZƏRTAC-a BDU-dan məlumat verilib.
Jurnalistika fakültəsinin III kurs tələbələri ilə görüşən tanınmış teleaparıcı Dilarə Səlim təməl peşə prinsipləri, televiziya jurnalistikasının özəllikləri barədə məlumat verib. O, peşəkar jurnalist kimi yetişmək üçün öncə təhsilin, daha sonra mütaliənin və öz üzərində daim çalışmağın vacib olduğunu vurğulayıb.
Ustad dərsində məlumatın çatdırılmasında jurnalistin istifadə etdiyi metodlar, həmçinin aparıcılıq işinin xüsusiyyətləri müzakirə olunub.
Sonra tələbələri maraqlandıran suallar cavablandırılıb.
Bölmənin digər xəbərləri
