TASİS PROQRAMLARININ BÜDCƏSİNİN ARTMASI AZƏRBAYCANDA UĞURLU İQTİSADİ İSLAHATLARINNƏTİCƏSİDİR
Bunu AZƏRTAC-ın müxbirinə Avropa Birliyinin Azərbaycana texniki yardım proqramları Əlaqələndirmə Bürosunun (ƏB) icraçı direktoru Əsgər Ələkbərov bildirmişdir.
ƏB-nin başçısı qeyd etmişdir ki, Gürcüstandan və Ermənistandan fərqli olaraq, Azərbaycanda Avropa Komissiyasının 2004-2006-cı illərdə TASİS-in indikativ proqramına ayırdığı xərclərin həcmi nəinki azalmamış, hətta artmışdır. Ə.Ələkbərov demişdir: “Əvvəlki illərlə müqayisədə TASİS-in ölkəmizdəki fəaliyyət proqramının büdcəsi 2004-2006-cı illər üçün 2 milyon avro artmışdır ki, bu da Azərbaycan rəhbərliyinin uğurlu iqtisadi siyasətinin nəticəsidir”.
Xatırladaq ki, respublika rəhbərliyinin həyata keçirdiyi struktur, hüquqi və inzibati islahatların dəstəklənməsi (17 milyon avro), habelə Azərbaycanda özəl sektorun inkişafı üçün kompleks tədbirlərin həyata keçirilməsi (13 milyon avro) TASİS-in 2004-2006-cı illər proqramının öncül istiqamətləridir.
Bölmənin digər xəbərləri
