Tayvanda güclü qasırğa 220 min evi işıqsız qoyub, 14 şəhərdə məktəblər bağlanıb
Bakı, 5 sentyabr, AZƏRTAC
Tayvanda güclü “Haikui” qasırğası zamanı 80-ə yaxın insan xəsarət alıb.
AZƏRTAC xəbər verir ki, bu barədə “Channel News Asia”nın məlumatında bildirilib.
Məlumata görə, 220 min ev işıqsız qalıb, 14 şəhərdə məktəblər bağlanıb, müəssisələrin fəaliyyəti dayandırılıb. Xilasedicilər əsasən dağlıq ərazilərdə yerləşən sürüşmə təhlükəsi olan rayonlardan ümumilikdə 7 mindən çox insanı təxliyə ediblər.
“Tayvanı dörd ildən sonra ilk dəfə tayfun vurdu. Adanın bir çox yerlərində, xüsusən də Kaohsiung şəhərində yollar su altında qalıb, ağaclar yıxılıb. Tayvanda 200-dən çox daxili reys ləğv edilib, bərə reysləri dayandırılıb”, - deyə məlumatda bildirilir.
Hava proqnozlarına görə, "Haykui" hazırda Çinə doğru irəliləyir. Eyni zamanda, meteoroloqların fikrincə, həftənin sonuna qədər Tayvanda güclü yağışlar yağacaq və bu, yeni daşqınlara səbəb ola bilər.
Daha əvvəl “Haikui” tayfunu səbəbindən Tayvanda kütləvi təxliyə barədə məlumat verilmişdi .
Bölmənin digər xəbərləri
