Teatrşünas: Əməkhaqlarının artırılması aktyorların sosial rifahının yaxşılaşmasına böyük təsir göstərəcək
Gəncə, 4 mart, Rauf Hacıyev, AZƏRTAC
Prezident İlham Əliyevin və birinci xanım Mehriban Əliyevanın martın 1-də bir qrup mədəniyyət və incəsənət xadimi ilə görüşü bu sahəyə dövlət qayğısının bariz nümunəsidir. Biz mədəniyyət işçiləri hər zaman diqqət və qayğı ilə əhatə olunmuşuq. Ancaq bu görüş deyərdim ki, digərlərindən daha çox öz formatı ilə fərqlənirdi. Məndə ilkin olaraq belə bir təəssürat yarandı ki, görüş yenə də ümumi iclas xarakteri daşıyacaq və ancaq proqram xarakterli olacaq. Ancaq efir vasitəsilə bu görüşü izlədikdə heç də bunun belə olmadığını gördüm.
Bu fikirləri Cəfər Cabbarlı adına Gəncə Dövlət Dram Teatrının əməkdaşı, teatrşünas Anar Bürcəliyev AZƏRTAC-ın bölgə müxbirinə müsahibəsində deyib.
“Bizim ailə də hər zaman dövlət qayğısı ilə əhatə olunub. Valideynlərim Məhəmməd Bürcəliyev və Sədayə Mustafayeva respublikanın ali fəxri adlarına layiq görülüblər. Mərhum atam və anam Azərbaycan mədəniyyəti tarixində, xüsusilə Gəncənin mədəni həyatındakı xidmətlərinə görə respublikanın Xalq artisti fəxri adına layiq görülüblər. Anam isə həm də Prezidentin fərdi təqaüdçüsü olub” - deyə A.Bürcəliyev qeyd edib.
Teatrşünas bildirib ki, Prezident İlham Əliyevin Xalq artisti Afaq Bəşirqızının çıxışına dərhal reaksiya verməsi, teatr işçilərinin aylıq əməkhaqlarının artırılması barədə təkliflərin hazırlanması ilə bağlı göstərişi aktyorların sosial rifahının yaxşılaşmasına böyük təsir göstərəcək.
Bölmənin digər xəbərləri
