TƏBİB: Göyçay xəstəxanası ilə bağlı qərarın ləğv edilməsi barədə məlumat həqiqəti əks etdirmir
Bakı, 19 iyun, AZƏRTAC
Tibbi Ərazi Bölmələrinin İdarəetmə Birliyi (TƏBİB) Göyçay Rayon Mərkəzi Xəstəxanasının xüsusi rejimli pandemiya xəstəxanası kimi müəyyənləşdirilməsi ilə bağlı qərarın ləğv edilməsi barədə məlumata münasibət bildirib.
TƏBİB-dən AZƏRTAC-a daxil olan açıqlamada deyilir: “Göyçay Rayon Mərkəzi Xəstəxanasının xüsusi rejimli pandemiya xəstəxanası kimi müəyyənləşdirilməsi ilə bağlı qərarın ləğv edilməsi həqiqəti əks etdirmir. Bildiririk ki, ötən gün tərəfimizdən xüsusi rejimli xəstəxanalar kimi fəaliyyət göstərəcək xəstəxanaların siyahısı ictimaiyyətə təqdim edilib. Qeyd edilən xəstəxanalar ehtiyac yarandığı təqdirdə, mərhələli şəkildə koronavirus xəstələri üçün xüsusi rejimli xəstəxanalar kimi fəaliyyət göstərəcək”.
Bölmənin digər xəbərləri
