TƏBİİ FƏLAKƏTİN NƏTİCƏLƏRİ ARADAN QALDIRILIR
Sabirabad, 22 iyun (AZƏRTAC). Təbii fəlakət zonasında daşqınların nəticələri aradan qaldırılır. Bununla yanaşı, əhaliyə dəyən ziyanın ödənilməsi istiqamətində də araşdırmalar aparılır.
Prezident İlham Əliyevin göstərişlərinə uyğun olaraq bölgədə kompleks işlər davam etdirilir.
Daşqın nəticəsində su basmış kəndlərin evlərindən köçürülərək Şirvan şəhərindəki çadır şəhərciyində məskunlaşan əhalisi evlərinə qayıtmaqda davam edir. Onların bütün xərcləri dövlət tərəfindən ödənilir.
Qeyd edək ki, ilk günlər şəhərcikdə 1500 Sabirabad sakini var idisə, indi onların sayı xeyli azalaraq, 276 nəfərə çatmışdır.
Daşqınların nəticələrinin aradan qaldırılması üçün bütün sahələr üzrə yaradılan alt komitələr fəaliyyətlərini sürətləndirmişlər.
Bölmənin digər xəbərləri
