TƏBİİ FƏLAKƏTİN ZİYAN VURDUĞU RAYONLARDA BƏRPA VƏ YENİDƏNQURMA İŞLƏRİ SÜRƏTLƏNMİŞDİR
Bakı, 3 iyul (AZƏRTAC). Ölkəmizdə təbii fəlakətdən əziyyət çəkən rayonlarda kompleks işlər görülür. Sakinlər tədricən evlərinə dönürlər.
Dövlətimizin başçısı İlham Əliyevin tapşırıqları yerlərdə uğurla yerinə yetirilir. Təbii fəlakətdən əziyyət çəkən bölgələrdən biri də Hacıqabul rayonudur. Daşqın nəticəsində rayonun Kür boyu ərazilərində yerləşən nasos və aqreqatlar su altında qalmışdır. Lakin son günlər görülən operativ tədbirlər nəticəsində, eləcə də Kür çayının səviyyəsinin aşağı düşməsi ilə əlaqədar bütün nasos və aqreqatlar təmir olunaraq işlək vəziyyətə gətirilmişdir.
Sabirabadda da intensiv işlər görülür. Rayonun yarımstansiyalarının bərpasına başlanılmışdır. İndiyədək 55 stansiya işlək vəziyyətə gətirilmiş, 200 kilometr uzunluğunda kanal lildən təmizlənmişdir. Eyni zamanda, 2 min 384 hidrotexniki qurğunun yarısından çoxu bərpa olunmuşdur. Hazırda yarımstansiya və aqreqatların bərpası və kanalların lildən təmizlənməsi davam etdirilir.
Sabirabad rayonunda əkin sahələrinin 36 min 712 hektarı mexaniki yolla, yəni nasoslar vasitəsilə suvarılır. Daşqınlar zamanı 60 nasos stansiyası, 130-a yaxın aqreqat su altında qalmış, ümumi uzunluğu 1161 kilometr olan kanalları lil basmışdır.
Bölmənin digər xəbərləri
