Təhsil Nazirliyi: Apelyasiya müraciətləri üçün qeydiyyat başlanılır
Bakı, 20 avqust, AZƏRTAC
Avqustun 21-dən müddətsiz əmək müqaviləsinin bağlanması məqsədilə keçirilən müsahibələrdə uğur qazanmayan namizədlərin apelyasiya müraciətləri üçün qeydiyyat başlanılır.
Təhsil Nazirliyindən AZƏRTAC-a bildiriblər ki, sözügedən müsahibələrdə uğur qazanmayan namizədlər avqustun 24-üt saat 23.59-dək şəxsi səhifələrinə daxil olaraq apelyasiya müraciətlərini təsdiq edə bilərlər.
Namizədlərin apelyasiya müraciətlərinə baxılması məqsədilə təkrar onlayn müsahibələr keçiriləcək. Apelyasiya müraciətini təsdiq edən namizədlərin şəxsi səhifəsinə keçiriləcək onlayn müsahibənin vaxtı barədə məlumat göndəriləcək.
Qeyd edək ki, dövlət ümumi təhsil müəssisələrində müddətli əmək müqaviləsi ilə çalışan müəllimlərlə müddətsiz əmək müqaviləsinin bağlanması məqsədilə mayın 4-dən 20-dək, eyni zamanda, iyulun 10-da onlayn müsahibələr keçirilib.
Bölmənin digər xəbərləri
