Təhsil Nazirliyi yay məktəbinin təşkili ilə bağlı sorğu keçirir
Bakı, 25 may, AZƏRTAC
Təhsil Nazirliyi yay məktəbinin təşkili ilə bağlı sorğu keçirir.
Bu barədə AZƏRTAC-a Təhsil Nazirliyindən məlumat verilib. Bildirilib ki, pandemiya səbəbindən 2020-2021-ci il tədris ilinin əhəmiyyətli hissəsi distant (məsafədən) formada təşkil edilib. Mövcud vəziyyəti nəzərə alaraq, zəruri bilik və bacarıqların möhkəmləndirilməsi məqsədilə iyunun 16-dan etibarən 2 həftə müddətinə ümumi təhsil müəssisələrində ödənişsiz və könüllü əsasda yay məktəbinin təşkil edilməsi nəzərdə tutulur. Sorğunun keçirilməsində məqsəd yay məktəbinin təşkilinə münasibətin öyrənilməsidir.
Yay məktəbi ərzində dərslərin sayı və qrafiki şagirdlərin yaş xüsusiyyətləri nəzərə alınmaqla müəyyən ediləcək.
Bölmənin digər xəbərləri
