TƏHSİL SAHƏSİNİN İNKİŞAFI LAYİHƏSİNİN İKİNCİ MƏRHƏLƏSİ BAŞLAYIR
Dünya Bankından AZƏRTAC-a bildirmişlər ki, qurum təhsil islahatlarının həyata keçirilməsində Azərbaycan Təhsil Nazirliyinin aparıcı tərəfdaşlarından biridir.
Bank Azərbaycanın təhsil sahəsinə dəstək çərçivəsində bir neçə layihə həyata keçirmişdir. Hazırda təhsil sektorunun inkişafı layihəsinin də birinci mərhələsi başa çatmaq üzrədir. Layihənin məqsədi təhsil üçün cavabdeh olan orqanların təhsil islahatları proqramını planlaşdırmaq, idarə etmək və monitorinq keçirmək bacarığının gücləndirilməsi və ölkənin bir neçə rayonunda prioritet əhəmiyyətli investisiyaların yatırılmasından ibarətdir. Bundan başqa, bu layihə təhsilin keyfiyyətinin yaxşılaşdırılması və təhsil xərclərinin səmərəliliyinin artırılması üçün bazanın formalaşdırılmasına da kömək etmişdir.
Layihənin beş il müddətinə hesablanmış ikinci mərhələsi bu il başlayır. Bu mərhələ çərçivəsində məktəbəqədər təhsil və yuxarı siniflər üçün yeni kurrikulum hazırlanacaqdır. Yeni layihə islahatların əhatə dairəsini və təsirini genişləndirəcəkdir.
Bölmənin digər xəbərləri
