TELEVİZİYA PROQRAMLARININ DAHA KEYFİYYƏTLİ YAYIMI TƏMİN EDİLMİŞDİR

22.05.2006 [11:32]
Çap et
A⁺ A^-

Rabitə və İnformasiya Texnologiyaları Nazirliyinin Teleradio İstehsalat Birliyi Zığ və Qaraçuxur qəsəbələrində AzTV-nin və İctimai TV-nin proqramlarının yayım keyfiyyətinin yüksəldilməsi üçün texniki tədbirlər görmüşdür.

Nazirlikdən AZƏRTAC-a bildirmişlər ki, birliyin Günəşli TV stansiyasında 2 ədəd peyk qəbuledici avadanlığı quraşdırılıb istifadəyə verilmişdir. Nəticədə Günəşli, Zığ, Qaraçuxur və digər qəsəbələrdə AzTV-nin və İctimai TV-nin proqramlarının daha keyfiyyətli yayımı təmin olunmuşdur.

Bununla yanaşı, Teleradio İB Gəncədə İctimai TV-nin proqramlarının yayımı zonasını genişləndirmiş, keyfiyyətini yaxşılaşdırmışdır.