TƏLİMİN YENİ METODLARI İLƏ BAĞLI BEYNƏLXALQ SEMİNAR ÖZ İŞİNƏ BAŞLAMIŞDIR

04.03.2004 [10:30]
Çap et
A⁺ A^-

Martın 3-də Azərbaycan Müəllimlər İnstitutunun beynəlxalq texniki koordinasiya mərkəzində Alman Texniki Əməkdaşlıq Cəmiyyəti ilə birlikdə 10 günlük beynəlxalq seminar öz işinə başlamışdır.

AZƏRTAC-ın müxbiri xəbər verir ki, seminarda peşə təhsili müəssisələrində çalışan müəllim və istehsalat təlimi ustaları öz ixtisaslarını beynəlxalq standartlara uyğun artıracaqlar.

Təhsil nazirinin müavini İsgəndər İsgəndərov seminarı açaraq təlimin yeni metodlarının öyrənilməsinin vacibliyini bildirmişdir.

İnstitutun rektoru, professor Məmmədhənifə Musayev bu təhsil ocağının respublikada təhsil sisteminin təkmilləşdirilməsi istiqamətində həyata keçirdiyi beynəlxalq əməkdaşlıq proqramlarının əhəmiyyətini geniş şərh etmişdir.

Sonra seminar iştirakçıları Daşkənd və Bişkek şəhərlərində xüsusi təlim keçmiş tanınmış alimlərin mühazirələrini dinləmişlər.