“Təmiz Şəhər” ASC-nin “Çeşidlə və kömək et” aksiyası uğurla başa çatmışdır
Bakı, 30 dekabr (AZƏRTAC). “Təmiz Şəhər” Açıq Səhmdar Cəmiyyətinin (ASC) İçərişəhər ərazisində 2011-ci ilin iyul ayından etibarən həyata keçirdiyi “Çeşidlə və kömək et” aksiyası uğurla başa çatmışdır.
Qurumun mətbuat xidmətindən AZƏRTAC-a bildirmişlər ki, aksiya “İçərişəhər” Dövlət Tarix-Memarlıq Qoruğu İdarəsi və “Təmiz Şəhər” ASC tərəfindən birgə həyata keçirilən “Tullantıların evlərdə çeşidlənməsi” layihəsi çərçivəsində təşkil olunmuşdur. Aksiya İçərişəhər sakinlərini tullantılarla düzgün rəftara çağırmaq, onları məişət tullantılarının çeşidlənməsi prosesinin faydalı tərəfləri haqqında məlumatlandırmaq məqsədi ilə keçirilmişdir.
Beş ay ərzində davam etmiş aksiya zamanı İçərişəhər sakinləri evlərində toplanan tullantıları qida və qeyri-qida növləri üzrə çeşidləyərək, xüsusi konteynerlərə atmışlar. Tullantıların təkrar emalından əldə olunan gəlirlə İçərişəhərin iki sakininə yardım edilmişdir.
Bölmənin digər xəbərləri
