Terror hücumu nəticəsində Misir ordusunun 7 hərbi qulluqçusu öldürülüb
Bakı, 28 dekabr, AZƏRTAC
Bu gün Sinay yarımadasının şimalında terrorçuların hücumu nəticəsində Misir ordusunun 7 hərbi qulluqçusu öldürülüb.
AZƏRTAC xəbər verir ki, Əl-Cəzirə telekanalının yaydığı məlumata görə, hərbçilərə Bir-əl-Abd yaşayış məntəqəsində hücum edilib. Həlak olanlar arasında bir ordu zabiti də var.
İnsidentlə bağlı ordu nümayəndələrindən hələlik rəsmi şərh verilməyib.
Xatırladaq ki, noyabrın sonlarında Bir-əl-Abd yaşayış məntəqəsindəki məsciddə terror aktı törədilmiş və nəticədə 300-dən çox insan həlak olmuş, 100 nəfərdən çox insan isə yaralanmışdı.
Bölmənin digər xəbərləri
